主页 > 体验话题 >《命运的愚弄 曾经的新星 >

《命运的愚弄 曾经的新星

2020-05-27 19:24:21 来源 : 体验话题 点击 : 225

《原创文章 欢迎转载 请列明出处 谢谢》-请支持蓝狮 Facebook专页-《命运的愚弄 曾经的新星 按此观看图片 .图片来源 : The Times利物浦同车路士之间虽然都视对方为列强对手,不过其实两间球会过往都有唔少球员转会发生,较为远有祖高尔,破哂当时转会记录既费兰度托利斯,之后更加有班拿约、美利拉斯以及史度列治,而较为近期啲嘅,就有今集既主角,上季由蓝转红既英格兰新星苏兰基。出身自车路士青训体系,喺蓝军青年梯队比赛中苏兰基都经已话获奖无数,同一期嘅队友有路夫斯捷克、艾巴咸、查路巴同艾基等人,可以话係近年嚟质素最高嘅一届青训,而苏兰基亦被认为係英格兰前锋线上嘅明日之星,具备优良嘅射门触角,能够自己持球推进一段距离再起脚。喺上年举行嘅U20世界盃之中,英格兰成功夺得冠军嘅背后苏兰基可以话功不可没,佢亦被评选为决赛赛事中嘅最佳球员。可惜苏兰基同唔少年青球员一样,最缺乏嘅就係耐性,喺前线同时坐拥迪亚高哥斯达以及巴舒亚伊两为射手底下,苏兰基只能成为球队中嘅第三选择,未曾正式为一队上阵,苦无机会嘅佢亦无心与车路士续约,选择完约后离开史丹福桥。而当时有兴趣以免签形式签下苏兰基嘅潜在球会其实都有唔少,除咗英超球队之外远至德甲RB莱比锡都想将佢收归旗下,不过最于英格兰人都选择与另一支列强利物浦签约。上季加盟利物浦后,苏兰基的确得到唔少上阵机会,虽然好多时都係后备上阵,不过喺前线坐拥费明奴底下,有得出场总好过无得出,全季一共为红军喺各项赛事上阵三十场,交出两入球一助攻,表现唔算突别抢镜,不过年轻球员总係要比时间琢磨先会进步。不过到咗今季情况就有一百八十度改变,两位上季外到西布朗同禾夫斯堡嘅队友回归,而史度列治更完美地抢去苏兰基嘅后备位置,与奥历治双双被高普打入「冷宫」,由当日嘅第二选择,今季变成第三或第四嘅选择,情况可能仲比起当日喺车路士更为恶劣。或者,一切都係命运的安排,命运的愚弄。 文章最后更新时间 : 09/11/2018 10:00《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

相关阅读